പലഹാരമേള

ഒന്നാം ക്ലാസിലെ പഠനാനുബന്ധ പ്രവർത്തനമായി ഒരുക്കിയ പലഹാരമേള ആവേശകരമായ അനുഭവമായി. രക്ഷിതാക്കളും അധ്യാപകരും ചേർന്നൊരുക്കിയ വൈവിധ്യമാർന്ന വിഭവങ്ങളാൽ സമ്പന്നമായ മേളയ്ക്ക് പിടിഎ പ്രസിഡൻ്റ് മധുവേട്ടന്റേയും എസ് എം സി ചെയർമാൻ പ്രകാശേട്ടന്റേയും സാന്നിധ്യം മാറ്റ് കൂട്ടി.കോവിഡിന്റെ അടച്ചിടലിൽ ഈ മേളകളൊക്കെ നഷ്ടമായിപ്പോയ രണ്ട്, മൂന്ന് ക്ലാസുകളെക്കൂടി ഒപ്പം ചേർത്തു പിടിച്ചപ്പോൾ അവർക്കത് നവ്യാനുഭവമായി; നാലാം ക്ലാസുകാർക്ക് ഓർമ പുതുക്കലും. ഹൈസ്കൂൾ തലം വരെയുള്ള എല്ലാ അധ്യാപകരും ഓഫീസ് സ്റ്റാഫംഗങ്ങളും ഒപ്പം ചേർന്നു.