സ്കൂള്‍ തല ശാസ്ത്രമേള

സ്കൂളിലെ വിദ്യാര്‍ത്ഥികള്‍ക്കായി ശാസ്ത്ര, ഗണിതശാസ്ത്ര,സാമൂഹ്യശാസ്ത്ര പ്രവര്‍ത്തി പരിചയമേള നടത്തി. വിദ്യാര്‍ത്ഥികളുടെ നല്ല പങ്കാളിത്തം കൊണ്ട് മേള ശ്രദ്ധേയമായി. ഹെയ്മാസ്റ്റര്‍ ഇ പി രാജഗോപാലന്‍ മേള ഉത്ഘാടനം ചെയ്തു.
മേളയിലെ ചില നിമിഷങ്ങള്‍

ഓണാഘോഷം

ഓണത്തോടനുബന്ധിച്ച്  കുട്ടികള്‍ക്കായി മിഠായ് പെറുക്കല്‍,കസേരകളി, ചാക്ക് റൈസ് തുടങ്ങിവിവിധ മത്സരങ്ങള്‍ സംഘടിപ്പിച്ചു. കൂടാതെ നാടന്‍ പൂക്കള്‍ മാത്രം ഉപയോഗിച്ചുള്ള പൂക്കള മത്സരവും നടത്തി. ഉച്ചയ്ക് പായസവിതരണം.

സബ്‍ജില്ലാ സയന്‍സ് സെമിനാര്‍

ഹൊസ്ദുര്‍ഗ് സയന്‍സ് ക്ലബ്ബ് അസോസിയേഷന്റെ ആഭിമുഖ്യത്തില്‍ ബി ആര്‍ സി ഹൊസ്ദുര്‍ഗില്‍ വച്ച്നടന്ന  സബ്‍ജില്ലാ സയന്‍സ് സെമിനാറില്‍ 9A ക്ലാസ്സിലെ അനന്യ ഭാസ്ക്കരന്‍ രണ്ടാം സ്ഥാനം നേടി.

മരങ്ങളുടെ സ്കൂള്‍ :: ഡോക്യുമെന്‍ടറി

കക്കാട്ട് സ്കൂള്‍ വളപ്പിലെ മുപ്പത്തഞ്ചിലധികം തരം മരങ്ങളെ ദൃശ്യവത്കരിക്കുന്ന ഡോക്യുമെന്‍ടറി സിനിമയുടെ ചിത്രീകരണം പൂര്‍ത്തിയായി. എട്ടേക്കര്‍ വരുന്ന സ്കൂള്‍ വളപ്പില്‍ മണ്ണ് ഇല്ല.ലാറ്ററൈറ്റ് പറയാണ്. എങ്കിലും പച്ചപ്പ്‌ പകരുന്ന നിരവധിമരങ്ങള്‍ ഉണ്ട്. നാട്ടു മരങ്ങളുംമറുനാടന്‍ മരങ്ങളും ഉണ്ട്.നട്ടുവളര്‍ത്തിയവയും താനേമുളച്ചുവളര്‍ന്നവയും .
മരങ്ങളുടെ ശാസ്ത്രീയമായ അറിവുകളും സാംസ്കാരികപ്രത്യേകതകളുംസമന്വയിപ്പിച്ചുകൊണ്ടാണ് ഡോക്യുമെന്‍ടറി ഒരുക്കിയത്. മുപ്പതോളം സ്കൂള്‍കുട്ടികള്‍ പങ്കാളികളായി.
മരങ്ങളുടെ സ്കൂള്‍ എന്നാണ് പേര്.



ഗവേഷണം: കെ.പുഷ്പലത
സംഘാടനം: കെ.തങ്കമണി., ശ്യാമ ശശി, പി.എസ് അനിൽകുമാർ
സഹകരണം:
സീ- നെറ്റ് ടെലി ചാനൽ ,നീലേശ്വരം

ചാന്ദ്രദിനം

ചാന്ദ്രദിനത്തോടനുബന്ധിച്ച് എല്‍ പി, യു.പി, ഹൈസ്കൂള്‍ വിഭാഗം വിദ്യാര്‍ത്ഥികള്‍ക്കായി ക്വിസ് മത്സരം സംഘടിപ്പിച്ചു. കെ സന്തോഷ്, കെ പ്രീത, പുഷ്പരാജന്‍, മണി വി പി, പി വി ശശിധരന്‍, പി എസ് അനില്‍കുമാര്‍ എന്നിവര്‍ നേതൃത്വം നല്കി. ഹൈസ്കൂള്‍ വിഭാഗത്തില്‍ 9A ക്ലാസ്സിലെ സജിനയും കൃഷ്ണേന്ദുവുമടങ്ങുന്ന ടീം ഒന്നാം സ്ഥാനം നേടി. 10A  ക്ലാസ്സിലെ അതുല്‍ സതീഷും കൃഷ്ണപ്രിയയും അടങ്ങിയ ടീം രണ്ടാം സ്ഥാനവും 8C ക്ലാസ്സിലെ അതുലും, ഇജാസ് അഹമ്മദും അടങ്ങുന്ന ടീം മൂന്നാം  സ്ഥാനവും നേടി.

ഒന്നാം സ്ഥാനം- കൃഷ്മേന്ദു & സജിന

രണ്ടാം സ്ഥാനം- അതുല്‍ സതീഷ് & കൃഷ്ണപ്രിയ എം വി

മൂന്നാം സ്ഥാനം- ഇജാസ് & അതുല്‍

യോഗദിനം

യോഗദിനത്തോട് അനുബന്ധിച്ച് സ്കൂള്‍ ഓഡിറ്റോറിയത്തില്‍ വിദ്യാര്‍ത്ഥികളുടെ യോഗ പ്രദര്‍ശനം നടന്നു. ശ്രീമതി പ്രീതിമോള്‍ നേതൃത്വം നല്കി.

വായനാദിനം

വായനാദിനത്തിന്റെ ഭാഗമായി പ്രത്യേക അസംബ്ലി ചേര്‍ന്നു. ശ്രീമതി ഷെര്‍ലി ജോര്‍ജ്, ശ്രീമതി ശ്രീകല ,അന്നു പി സന്തോഷ്എന്നിവര്‍ സംസാരിച്ചു. കാന്‍ഫെഡിന്റെ ആഭിമുഖ്യത്തില്‍ നടത്തിയ ജില്ലാതല കേട്ടെഴുത്ത് മത്സരത്തില്‍ ഒന്നും രണ്ടും സമ്മാനങ്ങള്‍ നേടിയ ഫാത്തിമത്ത് നഫ, മാധവ് ടി വി എന്നീ കുട്ടികള്‍ക്കുള്ള സമ്മാനം സീനിയര്‍ അസിസ്റ്റന്റ് ഷെര്‍ലി ടീച്ചര്‍ വിതരണം ചെയ്തു.

പരിസ്ഥിതി ദിനം

വിദ്യാര്‍ത്ഥികള്‍ക്ക് വൃക്ഷതൈകള്‍ വിതരണം ചെയ്ത് കൊണ്ട് പരിസ്ഥിതി ദിനം ആചരിച്ചു. സീനിയര്‍  അസിസ്റ്റന്റ് ഷെര്‍ലി ടീച്ചര്‍,  ശ്യാമ ശശി മാസ്റ്റര്‍, മാസ്റ്റര്‍ വൈഭവ് എന്നിവര്‍ സംസാരിച്ചു.

പ്രവേശനോത്സവം

സ്കൂള്‍ തല പ്രവേശനോത്സവം പഞ്ചായത്ത് മെമ്പര്‍ ശ്രീമതി രുഗ്മിണി ഉത്ഘാടനം ചെയ്തു. പുതുതായി സ്കൂളിലെത്തിയ നാനൂറോളം കുട്ടികളെ ആനയിച്ച് കൊണ്ടുള്ള ഘോഷയാത്രയുണ്ടായിരുന്നു. ഇ പി രാജഗോപാലന്‍ സ്വാഗതവും കെ കൃഷ്ണന്‍ നന്ദിയും പറഞ്ഞു. പി ടി എ പ്രസിഡന്റ് വി രാജന്‍ അധ്യക്ഷത വഹിച്ചു. എസ് എം സി ചെയര്‍മാന്‍ വി  പ്രകാശന്‍, നിലേശ്വരം മുന്‍സിപ്പല്‍ കൗണ്‍സിലര്‍ കെ സുരേന്ദ്രന്‍ എന്നിവര്‍ സംസാരിച്ചു.